أحمد عرفة يكتب : يا فتاح يا عليم يا رزاق يا كريم
أحمد عرفة يكتب لمصر 365

(1)
بسم الله 🙂
يافتاح يا عليم يا رزاق كريم الكلمة اللى احنا كل يوم بنسمعها فى اول اليوم الصبح وكل واحد قايم من النوم رايح الشغل
او الطالب رايح الكلية او الفلاح طالع على الغيط فى الفجريه
الوقت اللى فى حد ذاته بيكون فيه اعظم الفترات من السلام النفسى والسكون والطمأنينة اللى بتلاقيها جواك بشكل تلقائى
بيقولوا كده وهم بيطلبوا من ربنا ان هم فى اول اليوم  ربنا يكرمهم ويرزقهم رزق حلال طيب ربنا يبارك لهم فيه
ولكن يمكن مع زحمة الأيام وصعوبة الدنيا وكمان ناس كتير نسيت وبقى كل واحد مركز يشكل ما على حياته المادية بدون اى حاجات معنوية كتير تحفز على دا
على الرغم من تحربتى التطوعية اللى يمكن مرتبطة بشكل معين بموضوع معيشة الناس وامور حياتهم وارزاقهم وهكذا لكن مكنش عندى شغف انى اكتب فى حاجة بالشكل دا على الرغم من كم المواقف اللى مرت قدام عنيا عن موضوع الرزق والناس تعيش ازاى وهكذا
لحد ما حصل معايا موقف خلانى اعيد ترتيب حساباتى

(2)
موقف فى مترو محمد نجيب  فى القاهرة هو دا كان الدافع انى افكر فى حاجة بالشكل دا
كنت قاعد مستنى حد من اعز الأضدقاء ليا ولكن اتاخر شويه ف و انا قاعد مستنى مترو يعدى وناس تركب وناس مستعجلة وناس ماشية بالراحة وناس ماسكة فى الباب علشان ميقفلش بيعاند فى السواق وخلاص وهكذا
عارفين انتم حركة الناس فى المترو اللذيذة دى
ومرة واحدة يجيي راجل اعتقد فى الأربعينات من العمر يقعد جنبى ووبقولى بدون سابق معرفة يسال نفسه ويقول هو ليه الناس الأغنياء هم اللى معاهم فلوس واحنا لأ  هم ليه الناس اللى بتشتغل يمكن اقل منى ويمكن مبتشتغلش معاها فلوس وانا لأ !
يا بنى انا بشتغل ورديتين
مبريحش غير ساعة او ساعتين فى اليوم بس ومع ذلك مفيش فائدة
فتطوع واحد من الناس وقاله ربنا دا العدل له حكمة فى توزيع ارزاقه حكمة الهية
الراجل بكل انفعال حكمة الهية ايه دى حكمة تيت تيت  تيت  (بيشتم )
وبدا يرسل كم غضيه على تلك الذات الألهية وبعدين بدا يقول هو الذات الألهية دى مش عارفه ان ليا بنت تعبانه وانا بشقى ومش بتموت ومش بتخف وانا بتعذب كده
وبعدين جه المترو قام الراجل ومشى وقعدت بس افكر !!!! وافكر كثيييرا فى الشخص دا  و في اللي قاله

وبعيدا عن موقف هذا الشخص الذى اختلف الناس فى الخكم عليه وكثرت التعليقات عليه بعد ذهابه ولكن رن فى اذنى ساعتها قول ست كبيرة ( ربنا يصلح له حاله ويهديه ويرزقه نعمة الرضا )
من هنا أبدأ

(3)
الضغوط اليومية على الكثير والكثير من الناس اللى بتقابل الناس كل يوم خلت الناس تردد مصطلح (اطلع من هدومى
يارب انت مخدتنيش ليه سيابنى ليه فى الدنيا !
وهكذا وهكذا ويمكن الناس فاض بها الكيل والكلام مش مرتبط بطبقة معينة يمكن ناس غنية وناس متوسطة بيقولوا كده وبيمروا بنفس الحالة دى
ويمكن فكرة عدم رضا الناس باللى مقسوم لها اصبحت فكرة غاية الأنتشار بين اغلب الناس فى مجتمعنا النهارده
منذ فترات طويلة كثيرة وانا اتوقف عند آيات الله فى القران التى تتحدث عن الرزق
:- كقول الله تعالى
الله الذى خلقكم ثم رزقكم
وما من دابة في الأرض إلا على الله رزقها
و رزق ربك خير و أبقى
إن الله يرزق من يشاء بغير حساب

لما سمعت حديث قدسي عن الله غير ليا تفكيرى وخلانى افكر بشكل تانى فى الموضوع نفسه
ويمكن لو ناس ادركت حاجة بالشكل دا مكنتش تقول كده
وان دي رسالة مهمة ربنا بيعتها لعبادة فيها طمأنينة وصدق وراحة بال ويقين بكرم الله عليك

(4)
:-ربك بيقول
يا ابن ادم : لا تخافن من ذي سلطان ما دام سلطاني وسلطاني لا ينفذ ابدا
يا ابن ادم: لا تخش من ضيق الرزق و خزائني ملآنة وخزائني لا تنفذ ابدا
يا ابن ادم : لا تطلب غيري وانا لك فان طلبتني وجدتني , وان فتني فتك وفائك الخير كله
يا ابن ادم : خلقتك للعبادة فلا تلعب وقسمت لك رزقك فلا تتعب , فان انت رضيت بما قسمته لك ارحت قلبك وبدنك وكنت عندي محمودا وان لم ترض بما قسمته لك فوعزتي وجلالي لاسلطن عليك الدنيا تركض فيها ركض الوحوش في البرية ثم لا يكون لك منها الا ما قسمته لك وكنت عندي مذموما
يا ابن ادم : خلقت السموات السبع والاراضين السبع ولم اعي َ بخلقهن ايعيني رغيف عيش اسوقه لك بلا تعب
يا ابن ادم : انني لم انس من عصاني فكيف من اطاعني وانا رب رحيم وعلى كل شيء قدير
يا ابن ادم : لا تسالني رزق غد كما لم اطالبك بعمل غد
يا ابن ادم : انا لك محب فبحقي عليك كن لي محب
اممممممممممممممممممممممممممممممممممم
شوفتوا بقى

ارجعوا تانى وركزوا فى قول الله :-
فان انت رضيت بما قسمته لك ارحت قلبك وبدنك وكنت عندي محمودا
ان لم ترض بما قسمته لك فوعزتي وجلالي لاسلطن عليك الدنيا تركض فيها ركض الوحوش في البرية ثم لا يكون لك منها الا ما قسمته لك وكنت عندي مذموما
شوفت الحديث دا و رجع شريط الموقف  اللى انا حكيته يمر تانى قدام عنيا
وافتكرت اوى ان الست الكبيرة لما دعت له دعت له ان ربنا يرزقه نعمة الرضا
وبدا الحديث دا يترجم حاجات كتيير بتحصل قدامى وبقيت ارجع اسمعه كتير
…. بص ركز كده
سعيك فى الدنيا لازم يكون مرتبط ارتباط وثيق وقوى بالرضا
باللى قسمه  ربنا لك والرضا دا ميمنعش انك تخاول بشكل مستمر انك تحسن من مستواك انك كل يوم كل يوم تخطط
وتسعى
ولكن خلى عندك نقاء نفسى وتصالح مع نفسك لاقصى درجة متحقدش على حد متدعيش على جد خلي قلبك ابيض وموت نفسك فى شغلك و خليك دايما راضى
الامام الحسن البصري يقول
علمت أن رزقى لا يأخذه غيرى فاطمأن قلبى، وعلمت أن عملى لا يقوم به غيرى فاشتغلت به وحدى،
وعلمت أن الله مطلع علي فاستحييت أن يرانى عاصيا، وعلمت أن الموت ينتظرنى فأعددت الزاد للقاء ربى
بل بالعكس ربنا هيديك ويكافئك وويزيدك فى مالك ويرضى غنك ويدخلك الجنة
ويرضى عنك ويكرمك
ربك بيحبك تكون مجتهد

(5)
ربك بيقول
” وأن ليس للإنسان إلا ماسعى وأن سعيه سوف يرى ثم يجزاه الجزاء الأوفى ”
كل شويه ربك بيديك رسائل علشان يطمنك وان اجتهادك ربنا هيكرمك عليه ويكرمك قوى كمان
بس متنساش ان هيبتليك  وهتقابل صعوبات كتيير اوى فى حياتك وهتقع كتيير بس اتعلم من اخطائك دي و  علشان ربنا بيحبك شوف الرسول صلى الله عليه وسلم وهو بيقول اشد الناس بلاء الأنبياء, ثم الصالحون, ثم الأمثل فالأمثل وهم أحباب الله، فالابتلاء يبتلى به الأحباب ليمحصهم, ويرفع درجاتهم وليكونوا أسوة لغيرهم حتى يصبر غيرهم يتأسى بهم,
شوف ربك بيقول ايه
” ولنبلونكم بشيء من الخوف والجوع ونقص ‏من الأموال والأنفس والثمرات وبشر الصابرين ”

مهما كان اختبارك صعب خليك واثق وراضى من ربك علشان هيرضيك ويرسل على قلبك السكينة والراحة وهتكون فى اصعب المواقف قوى علشان ربك معاك

الخلاصة
اسعى واجتهد و خطط لنفسك و ثابر و اعرق ولكن خليك مع ربنا على طول الخط ربنا هيكرمك ويزيدك هتقع كتير بس اتعلم من الوقعة
علشان تقدر توصل
🙂  واوعى تنسى ان ربك فتاح عليم رزاق كريم
قولها كل يوم الصبح وخلى عندك يقين فيها
وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ