شاهد رسالة إسراء الطويل المسربة من محبسها

بعد نشر تفاصيل التحقيق مع إسراء الطويل علي وكالة أنباء الشرق الأوسط نشرت دعاء الطويل أخت السجينة رسالة سربت من محبسها محواها

بابا أنا آسفة جدا على كل اللي حصل لكم بسببي .أقسم بالله ما عملت حاجة والله العظيم . … سامحني أرجوك .. هم و أنا في أمن الدولة لما لقوا الإعلام اتقلب عليا قالوا مش هينفع يطلعوني من غير قضية و خلوني مرشدة على قصة الفرح و القصر و دول قصتين مش حقيقيين و الله .. و سجلوا لي فيديو بيهم .. و لما عرفوا إني أنا اللي مصورة صور أسماء الله يرحمها خلوني أقول إن القصتين دول عشان أنتقم لأسماء ….. وعملوا الفيلم الهندي دا

ولما ودوني النيابة فضلت أعيط عشان أكلمكم و يجي لي محامي و رفضوا .. ووكيل النيابة كدب عليا وقال إنه من حقه يحقق معايا من غير محامي في أول مرة .. واتفاجأت بأنه جاب محامي من عندهم في التحقيق وكل ما أقول له محتاجة أكلم بابا يقول لي بعد التحقيق .. وقال لي لازم أقول زي ما قلت في فيديو أمن الدولة …

وكان معايا أولاد جايين من لاظوغلي بردو و نزلوا و لما مش بيقولوا اللي قالوه في لاظوغلي بيرجعوهم لاظوغلي تاني … و أنا خوفت و ما بقيتش عارفة أعمل إيه

 ….. أنا آسفة أوي يا بابا و الله ما ليا ذنب في حاجة ..و أنا هبلة و مليش في كل اللي بيقولوه ده و الله …و ما عملتش حاجة … أنا خايفة عليكم جدا وبدعي لكم طول الوقت و الله ولا أملك من أمري شيء

 .. آسفة على كل البهدلة اللي حصلت لكم … أرجوك بجد سامحني أنا مظلومة والله .. حقك عليا … وربنا ينتقم من كل الظالمين ..

ربنا يكرمك يا بابا و الله إنت ليك الجنة .. مش عارفة هنتقابل تاني إمتى … عسى أن يكون قريبا … الله كريم …2_2 9f64358e-c9cd-4a5a-bd23-47974c766d1a