حركة 6 إبريل ترد على الإعتقالات العشوائية للشباب : ” النظام اتجنن .. وغباءكم وتجبركم هو اللى هيخلى الناس تنزل يوم 25″

منذ يوم الخميس الموافق 21 إبريل 2016، قامت قوات الشركة بحملة أمنية واسعة،حيث قامت الداخلية بالقبض بشكل عشوائى على العديد من الشباب لمجرد إمتلالكم خلفية ثورية، وذلك فى محاولات لمنع نزول الشباب فى تظاهرات يوم 25 إبريل المقبل، فجاء رد حركة شباب 6 إبريل قوى غير متوقع على الإطلاق يندد بإفعال الشرطة الأخيرة، وكان نص البيان كالتالى:

“النظام اتجنن وقبض على شباب كتير أوى من على القهاوى ومن البيوت امبارح…دا اخركم…طيب نحب نقولكم اننا موجودين وبنشتغل على الحشد لليوم بقوة اكتر من الاول…وان ناس كتير اوى هتنزل يوم 25 مهما حصل…هتحبسونا؟ طيب محنا محبوسين من سنين ومكبوتين وبنتعرض لقمع رهيب واللى بيحاول يفتح بقه كان بيتحبس وشايفين كل يوم خيبة جديدة لنظامكم بتأثر على حياتنا كلنا ومستقبلنا كلنا…حتى اللى ماشى جنب الحيط وحتى اللى بيطبلكم….الحقيقة مش محتاجين نحشد ضدكم لان غباءكم وتجبركم هو اكبر حاجة هتخلى الناس تنزل يوم 25 واللى بعده واللى بعده

الى كل شباب الثورة :
ركزوا فى طريقكم….غطائنا السياسى الوحيد هو العدد فى الشارع واللى ليه ظهير شعبى معقول فى البيوت فى كل مصر لان النظام تجاوز كل حد فى موضوع الجزيرتين تحديدا
يا ريت منهتمش بأى كلام او اشاعات….حركة الشارع محدش يقدر يتحكم فيها وبتغير كل الخطط والترتيبات والموازين
اللى بيحصل دا بيأكد ان احنا كتير ومهمين ومؤثرين ومصممين على اننا ناخد فرصتنا ونغير بلدنا للأحسن وان شباب 25يناير لسه حى وقوى وقادر انه يغير المعادلة من تانى..انزل 25  ابريل”.

هكذا جاء بيان حركة شباب 6 إبريل الذى تم نشرة على صفحتها الرسمية على موقع التواصل الإجتماعى “فيس بوك”، كما جاءت أيضاً بعض منشوراتهم على الفيس بوك تحث الشباب على النزول وحماية أرض مصر، وتندد بظلم الداخلية وتجبرها فى معاملة الشعب، كما قامت الحركة بإعلان أسماء عدد مما تم إلقاء القبض عمليهم من حركة شباب 6 إبريل.