أخبار مصر

توقعات حظك اليوم من ماجي فرح و خبراء الفلك اليوم الأحد 1-5-2016 برج السرطان برج الدلو برج الحوت –

يا ترى مهتم تعرف برجك بيقولك ايه عن يومك النهاردة ؟  عايز تعرف برجك هيقولك ايه النهاردة عن شريك حياتك و فرص توافقكم سوا و حياتك في الشغل اخبارها ايه النهاردة و يا ترى تعرف إيه الفرق بين البرج المائي و البرج الناري؟ و لو مهتم تعرف كل ده تابعنا في المقال التفصيلي عن حظك اليوم لجميع الأبراج و لكن افتكر دايماً ان كل شيء في الدنيا أولاً و أخيراً هو بإيد ربنا فقط.

برج الحمل – حظك اليوم 1 مايو 2016

من الواضح ان بتواجهك مشاكل كتير مش قادر تتغلب عليها لكن اوعى تفكر تيأس حاول أكتر من مرة و غير اسلوب حلك و متتكسفش من طلب النصيحة من حد .
حياتك الخاصة بتمر بفترة تقلبات كتيرة حالياً اتعامل معاها بهدوء و استمتع بوقتك كأن شيئاً لم يكن .

برج الثور – حظك اليوم 1 مايو 2016

النهاردة يوم رائع بالنسبة لك عندك ثقة في نفسك و صحتك على خير حال و شغلك كمان بيمر بفترة ازدهار ، طبق أفكار جديدة و خاصةً ان حياتك الخاصة رائعة .
اكتشف فرص جديدة ليك و حاول دائماً تعزز ثقتك في نفسك و هتحس بالرضا التام .

برج الجوزاء – حظك اليوم 1 مايو 2016

المشاكل اللي بتواجها و حاسس انك مش قادر تحلها ، كل اللي مطلوب منك فقط ان تغير طرقك القديمة في حل المشاكل و جرب طرق جديدة و اسمع للنصيحة .
عزز ثقتك بنفسك و توكل على الله و فكر في اسلوب جديد في حل مشاكلك و استعن بالله و كل شيء هيبقي تمام إن شاء الله .

برج السرطان – حظك اليوم 1 مايو 2016

مفيش عقبات قدامك حالياً و الحمد لله ، هتتعرف على أشخاص جدد بأقل مجهود ، حاول تستخدم المعرفة دي و هتحقق صداقات مجدية جداً على المدى البعيد .
مفيش مشاكل على مستوى حياتك الخاصة استمتع بثقتك في نفسك و لكن استغل وقتك و حط خطط استراتيجية لقدام .

برج الأسد – حظك اليوم 1 مايو 2016

خليك جاهز دايماً لأي مشاكل تواجهك ، الأمور حالياً مش تمام في الشغل و مش قادر تقدّي غير جزء قليل في الشغل ،
متخليش المشاكل تقف عقبة في طريقك مفيش مشكلة ملهاش حل .
كل اللي انت محتاجه دافع جديد و غير من نمط حياتك و استعن بالله و مشاكلك كلها هتتحل في أقرب وقت ان شاء الله .

برج العذراء – حظك اليوم 1 مايو 2016

هتدخل على خطوات جديدة في حياتك هتأثر عليك لفترة من الزمن ، هو ده الوقت المناسب اللي تاخد فيه قرار مصيري .
عندك مصداقية و امكانياتك رائعة ، كل ده يأهلك انك تشارك طموحاتك الشخصية في حياتك مع الناس القريبين ليك .

برج الميزان – حظك اليوم 1 مايو 2016

دلوقتي انت عندك القدرة على انك تندمج وسط الناس و وسط فريق عمل بقدرة رائعة ، حاول تستفيد من ده و خليك ايجابي و خليك منتج .

برج العقرب – حظك اليوم 1 مايو 2016

للأسف سلوكك بيحطك في مواقف محرجة ، غير من استرتيجيتك في حل مشاكلك لان طريقتك القديمة لازم تغيرها بعد ما جربت أكتر من مرة .
تغييرك لأسلوب حلك لمشاكلك هو اللي هيحسمهالك بإذن الله .

برج القوس – حظك اليوم 1 مايو 2016

القدر لعب لعبته و للأسف هتقع في موقف لا تحمد عليه اطلاقاً ، متحطش في اعتبارك و إلا هيغيب عنك لذة الحياة و متعتها ، خليك متفائل و استعن بالله و كل شيء هيبقي زي ما انت عايز إن شاء الله .

برج الجدي – حظك اليوم 1 مايو 2016

الأمور سهلة أوي معاك حالياً و انت مستغرب ، استخدم الفرصة دي و استعد لأوقاتك الجاية اللي هتكون فيها متوتر أكثر من اللازم ، حاول تشارك اللي حوليك في مشاكلك .

برج الدلو – حظك اليوم 1 مايو 2016

طريقك عمال يزداد صعوبات أكثر مما كنت فاكر و ممكن يكون في ناس بتحاول تعيق مسيرتك و تنفيذ خطتك اللي انت راسمها لنفسك ، تذكر أن بعض الظن إثم و استعن بالله و متيأسش .
دافع عن خطتك دائماً و كمل طريقك و حاول تتكيف مع أفكارك و استعن بالله و هتعبر مشاكلك إن شاء الله .

برج الحوت – حظك اليوم 1 مايو 2016

لو الناس هتلوم حد على مشاكل الشغل يبقى لازم تلومك انت ، فشلك هو اللي سبب الاحتكاك ده .
اكتشف قدراتك و حدد اهدافك و قول للناس و زملائك على مدى حبك ليهم علشان تقدروا تساعدوا بعض ، جسمك ميقدرش يتحمل جهد زائد عن طاقته و لكن الراحة على طول مش هي الحل .

مصر 365 على أخبار جوجل

مقالات ذات صلة

زر الذهاب إلى الأعلى