طريقة عمل كفتة الرز من غير ما تفك
اكلات,المطبخ,كفتة رز,الطبيخ,تعليم الطبيخ,

اعزائي زوارنا الكرام هقدملكم النهاردة طريقة عمل كفتة الرز بطريقة سهلة وبسيطة ومن غير ماتفك .

المكونات:

1كيلو لحمة مفروم     1ونص كيلو رز      3بصلات وسط      2قرن فلفل          3ربط خضرة مشكلة “بقدونس وشبت وكزبرة”    عودين نعناع طازه    4مكعبات مرقة دجاج           ملح وفلفل وبهارات على حسب الرغبة      زيت غزير للتحمير

مكونات  الصلصة:

عصير طماطم حوالى كيلو        بصلتين وسط           7فصوص ثوم              2مرقة دجاج        ملح وفلفل وبهارات

الطريقة:

ننقع الرز فى شوية مية عشر دقايق ونقطع عليه الخضرة والبصل والفلفل والنعناع ونحط مكعبات الدجاج والملح والبهارت ونقلبهم عاللحمة المفرومة ونجهز الفرامة  ونحط فيها كل المكونات دى ونفرمها سوا وبعد مانخلص نقلب الكفتة كويس مع بعض ونحطها ترتاح شوية فى التلاجة وبعدين نطلعها ونبدأ نعملها صوابع ونسخن الزيت ونحط فيه الكفتة تتحمر .

طريقة الصلصة:

نبشر البصل ونحطة مع شوية زيت صغيرين عالنار ونفرم الثوم واما البصل يدبل نحط الثوم المفروم عليه يادوبك ريحة الثوم تظهر ننزل عليهم عصير الطماطم ومكعبين مرقة الدجاج ونسيبهم عالنار لغية ما الطماطم تتسبك وبعدين نجيب الكفتة المتحمرة وننزلها على الصلصة ونطمن عليها بعد نص ساعة لو طابت لو لسه نهدى النار ونغطى عليها وبالهنا .