طريقة كفتة الحاتى من غير ما تكش
اكلات,كفتة حاتى,المطبخ,الطبيخ,تعليم الطبيخ

اعزائي زوارنا الكرام هقدملكم النهاردة طريقة سهلة ولذيذة لعمل كفتة الحاتى من غير ما تكش او حجمها يقل .

مكونات كفتة الحاتى :

نص كيلو لحمة مفروم    تمن كيلو بروتين نباتى من عند العطار       كيس خلطة الكفتة من ماجى     2مكعب مرقة دجاج    بصلة متوسطة    قرن فلفل    ملح وفلفل وبهارات حسب الرغبة    فحمة   زيت للتحمير

طريقة كفتة الحاتى:

ننقع البروتين في شوية مية وبعدين نحطه عاللحمة هو وكيس خلطة الكفتة ومكعبين مرقة الدجاج ونقطع البصلة ونضيفها هى وقرن الفلفل والملح والبهارات ونقلبهمسوا ونحطهم فى الكبة ونشغلها لغاية لما المكونات كلها تتفرم كويس وبعدين نطلعها نحطها فى التلاجة ترتاح ونطلعها عشان نصبعها على معلقة خشب ايدها اسطوانية وبعد ما نخلص نحط الزيت عالنار واما يسخن نحمر فيه الكفتة واول ما نخلص نكون مجهزين فحمة مولعة ونحطها فى فنجان فيه شوية زيت ونحطهم مع الكفتة ونغطى عليهم كويس عشان تاخد ريحة الفحمة وبالهنا والشفا.