ازاى تخلى جوزك ما يقدرش يستغنى عنك “المقالة الاولى”
جوزك ما يستغناش عنك,جوزك يحبك,علاقة زوجية,زوج وزوجة,الجواز

اعزائي زوارنا الكرام كلنا بنعانى من مشكلة ان الراجل بيتغير بعد الجواز عشان كدة هنعمل سلسلة حلقات عن ازاى تفضلى فى عين جوزك الاميرة اللى اتجوزها مهما حصل وفى البداية لازم تعرفى نفسك الاول يا تري انتى حبوبة ولا قوية؟

والبنت الحبوبة دى مش ميزة لان لطافتها الزيادة تخليها عبارة عن مساحة رجلين للى يسوى واللى ما يسواش لانها بتدى فوق طاقتها كتير وطبعا دة على امل ان الطرف التانى يفهم من نفسه انك بتعملى دة عشانه ويقدره وطبعا دة ما بيحصلش ولا هيحصل والبنت الحبوبة دى بتعمل اى حاجة اى حاجة مهما كانت مفكرة كدة ان جوزها هيحبها وعاوزة باى تمن تحافظ عالى العلاقة دى حتى لو كان دة على حساب نفسها وصحتها ودة مش غلط بس كل شئ بيزيد عن حده بيتقلب لضده وستات كتير بتفتكر انها اما تمسح شخصيتها وتعمل كل حاجة الراجل بيحبها انها كده هتكسب رضاه بس الحكاية غير كدة خالص لانها بتخلى الراجل هو مركز الكون بالنسبة لها واحب اقولها لأ يا ماما فوقى الشمس هى مركز الكون م سي السيد بتاعك أنا والله ما عاملة الموضوع عشان أسخن الستات على رجالتهم بس هم عايزين كده القط يحب خناقه والراجل بطبيعته بيحب التحديات و يحب يطلعو أسوار عشان يوصل لهدفه و لو إنتي حطيتي نفسك على طبق من فضة و رشيتي على نفسك شوية ملح و فلفل وقلتيلو اتفضل بالهنا و الشفا هيزهد فيكي ويزهق منك وتبقى بالنسبة له حاجة عادية زى اى حاجة بالنسبة له .

انما الست القوية حاجة تانية خالص ودى هنتكلم عليها المقالة الجاية.