ازاى تخلى جوزك ما يقدرش يستغنى عنك “المقالة التانية”
جوزك ما يستغناش عنك,جوزك يحبك,علاقة زوجية,زوج وزوجة,الجواز

اعزائي زوارنا الكرام وقفنا فى المقالة اللى فاتت عند البنت القوية والقوية هنا مش معناها انها متسلطة وعندية وبتمشي رأيها وخلاص والجو دة لأ دى معناها اللى بتتمتع بشخصية وعقل قوى تقدر بيه انها تتحكم فى شخصيتها وتخلى اللى قدامها بذكائها يقدر دة ويحترمه بمزاجه وهو حابب كمان حتى لو هو مختلف معاها وعشان كدة احنا هنقسم الموضوع على شكل قواعد (100 قاعدة ) كل قاعدة بتتكلم عن مفهوم معين لازم يتصلح في نظرتنا للعلاقة الزوجية ونبتدى بسم الله:

اول قاعدة:هنقسمها لنقطتين 1-ان اى حاجة بنجرى وراها بتهرب مننا واولها الرجاله يعنى ماينفعش عشان بتحبيه تسلمى نفسك له بسهولة ودة بقي بيحصل دلوقت عادى عادى الواحد بقي يشوف ويسمع كمية تجاوزات بقت تحصل فى فترة الخطوبة عادى ودة طبعا بعيدا عن انه غلط وبيجيب نتيجة عكسية انما دة حرام دة حتى الغربيين اللى عندهم الموضوع دة عادى بيهربوا من البنات اللى بتسلم نفسها لهم بسهولة فما بالك بقي بالبنت المسلمة اللى نسيت دينها وقيمها واخلاقها وطبعا هيهرب منها ودة بسبب انها ما احترمتش نفسها يبقي ازاى هو هيحترمها لان انتى لو ما ادتيش لنفسك قيمة الراجل عمره ما هيديهالك تخيلي معايا لو فيه بضاعة محطوطة في سوبر ماركت ومش عليها أي سعر وكاتبين عليها  إدفع اللي إنت عاوزه  تفتكرو في حد هيدفع فيها قرش صاغ  ده يبقى مغفل و لا مؤاخذة !! البنات اللي بتسمح لنفسها بالتجاوزات قبل الجواز  خطيبك هيظن فيكي حاجة من الاثنين و الاثنين أنيل من بعض الاولى : انك يائسة من إن حد تاني هيخبط بابك و بتعملى كدة عشان تربطيه بيكي  و الرجل لما يحس إن الست مدلوقة و يائسة بيزهد فيها على طول اما الثانية : انها انسانة مش مظبوطة والعياذ بالله و بتعمل كدة مع أي حد يطلب منها و دي حاجة حتى الغربيين مش بيتقبلوها فما بالك بالراجل المسلم و لا خلينا نقول الشرقي اللي عنده كلاكيع مكلكعة جواه !

2-ما تموتيش نفسك عشان تبهريه يعنى مثلا فى اول الجواز بتقضي اليوم كله فى المطبخ عشان تحضرى المحمر والمشمر واصناف كتيرة من الاكل عشان تظهري لاانك شملولة وطباخة بريمو ودة طبعا على حساب نفسك وصحتك واهتمامك بنفسك وبأنوثتك احب اقولك انك كدة بتخسري كتير مش بتكسبي الراجل مش عاوز طباخة الراجل عاوز ست لو عملتيله طبق واحد وسلطة حلو اوى بس قصاد دة تكونى مهتمية ببيتك ومظبطة نفسك وييجى يلاقيكى زى الفل مش ريحتك بصل وثوم وطبيخ ويوم ما تعملى بوفيه محترم يحس انه ملك وانك اتكرمتى بوقتك وقضتيه فى المطبخ عشانه.

وان شاء الله التكملة فى المقالة القادمة وشكرا