ازاى تخلى جوزك ما يقدرش يستغنى عنك “المقالة التالتة”
جوزك ما يستغناش عنك,جوزك يحبك,علاقة زوجية,زوج وزوجة,الجواز
اعزائي زوارنا الكرام هنكمل النهاردة الكلام عن القاعدة التانيةوهى ياترى الستات اللى بيخلو الرجالة يتسلقوا جبال ويقطعوا بحور عشان يوصلولهم دول بيبقوا عملوا اية اكيد هم مش نساء خارقات بس غالبا هم بيكونوا استثنائيين يعنى هم عندهم ميزة مش عند اى حد وهى انهم مش بيبانو مدلوقين وواقعين ولازم نشرح الحتة دى كويس يعنى الموضوع دة مينفعش فيه تمثيل بمعنى ان انتى لازم تبقى حاسة من جواكى انك مش مدلوقة ودة هييجى اما تبطلى تركزى على جوزك وتخليه هو المهم وتركزى مع نفسك انتى يعنى ما يبقاش هو السبب الوحيد اللى بيفرحك او يزعلك خليه بس واحد من ضمن الاسباب خلى نفسك اهم حد فى حياتك مش تبقي انانية لآ بس تدى لنفسك اهميتها يعنى مثلا تعملى لوك جديد عشان تدلعى نفسك وتبقي انتى من جواكى راضية عن نفسك ولو لبستى حاجة جديدة يبقى عشان انتى تشوفى نفسك جميلة ودة طبعا فى علم النفس بيقول ان كل ما الانسان بقي راضى عن نفسه انعكس دة على المحيطين وشافوه بنفس الصورة اللى هو شايف بيها نفسه  يعنى انتى لو قعدتى تقنعى نفسك انك وحشة وظهر دة عليكى اللى حواليكى هيحسوا بدة ويشوفيكى كدة مع ان انتى حلوة عشان كدة لازم تخلى نفسك اهم حد فى حياتك لان الراجل لما يحس انك مش محملاه مسؤولية سعادتك وانك انتى مبسوطة وسعيدة مع نفسك كدة ومش كئيبةوعلى طول فرفوشة ومزقططة  هو كمان هيحب قربك وهيضيف لسعادتك انما
لو حسستيه من أول يوم انك بتتنفسي بس عشان هو معاكي و انك مستعدة تسوي الهوايل عشان يبقى جنبك يبقى قولي على نفسك يا رحمان يا رحيم عشان الراجل ما بيصدق يلاقي ست زي دي و بياخذها لعبة مسلية ويقول مع نفسه أما شوف قدرة تحملها قد إيه ولو انتو مخطوبين وا اتصلش بيكى عنه ما اتصل عادى ما تحسسهوش ان ما وراكيش حاجة فى الدنيا غيره وما تقعديش ترنى عليه ييجى عشرين رنة هم رنتين ما ردش ما تتصليش تانى واما يتصل ما تقعديش تقوليله انت ما اتصلتش ليه وما بتردش ليه والجو دة لأ اعملى انك اصلا مش واخدة بالك انه ما اتصلش من كتر وقتك المشغول .
وبكدة نكون كملنا القاعدة دى واستنوا المقالة الجاية وشكرا.