طريقة تحضير كيك الكاكاو بصوص الشوكولاتة

اذا كنت (ي) من محبي الحلويات وبخاصة الشوكولاتة اليكم أطعم الحلويات الشهية وهى كيك الكاكاو المزينة بصوص الشوكولاتة:

مقادير (صوص الشيكولاتة):

كوب كاكاو خام
كوب زيت
كوب لبن بارد
كوب سكر  (ممكن كوب ونصف حسب الرغبة)
كيس فانيليا

مقادير (الكيك):

5 بيضات
2كوب دقيق
كيس فانيليا
كيس بيكينج باودر
كوب سكر
باقي صوص الشيكولاتة
3 ملعقة سمنة أو زبدة سايحة (يفضل زبدة بقري ولا تستبدلى الزبدة بالزيت لان الزبدة تعطي طعم اجمل)

طريقةتحضير(:صوص الشيكولاتة):

نخلط مكونات صوص الشوكولاتة مع بعض كويس أوي في الخلاط
بعد ما يتجانس الخليط هناخد منه كوب واحد فقط
ونضعه في الفريزر على الى أن يجهز الكيك

طريقة تحضير (الكيك):

فى المضرب الكهربائي نضرب البيض مع الفانيليا كويس اوي على السرعة الهادية وبعدين بنزود السرعة تدريجياً بعد كده بنضيف السكر بالتدريج لحد مايكون عامل معانا زي الكريمة بعدين ننزل على الخليط ده بالسمنة وبعد كده الكمية المتبقية من صوص الشيكولاتة بعد كده بننزل عليه بالدقيق والبيكنج بودر ولو لقيتي الكيكة مش مدياكي القوام اللي انتي متعودة عليه وبتحبية ممكن تزودي الدقيق شوية،بعدين ادهني الصينية بالزبدة ورشي عليها كمية بسيطة من الدقيق بس عشان الكيك ميلزقش في الصينية  وصبي عليها الخليط  دخليها الفرن وتكوني مسخناه من قبلها وتسيبيه على أعلى درجة حرارة عندك لمدة عشر دقائق وبعد كده تهدي عليها النار.
نخرج الصينية من الفرن ونسيب الكيك تبرد شوية وبعد كده نطلع مج الصوص من الفريزر قومى بتقطيع الحروف والأجناب والوش بتاع الكيك علشان تشرب الصوص ومايكونوش ناشفين.
بعد كده نقسمها لقسمين وتدهنيها بالصوص على فكرة الصوص ده مابيتصبش ده بيكون تقيل وانتي بتدهنيه على الكيكة بالمعلقة
بعد كده نحط النصف التاني من الكيك بعد كده بتقطعيها مستطيلات زي الجاتو
وممكن نرش عليها بندق مبشور او اى نوع من المكسرات
وممكن تتقدم فى الفطار .
وبالصحة والهنا …كيك الكاكاو بصوص الشوكولاتة