عاوز تتجوز…ازاى تتأكد انك اخترت صح؟
الجواز,الحياة الزوجية,الرجل والمرأة,شريك الحياة,العلاقة الزوجية

اعزائي زوارنا الكرام الجواز مشكلة كبيرة بتقابل ناس كتير من ناحية الماديات ومن ناحية الشخص اللى هيرتبطوا بيه فازاى بقى نتأكد اننا اخترنا الشخص الصح الاختيار هو اساس العلاقه كلها وبيترتب عليه كل المراحل الى جايه فنركز اوى فى اختياراتنا لانك لو اخترت صح هتخطب صح وهتتجوز صح وهتربى صح وهتعيش صح الصح فعشان تختار صح لازم تتطبق الاتى على شريك حياتك :
1- إوزن شريك حياتك : اعمل ايدك ميزان وحط المزايا فى الكفه اليمين والعيوب فى الكفه الشمال بس فى اسس ومعايير للوزن ده : -معيار 1 : يعنى مثلا متخليش حد هو الى يقولك المزايا والعيوب لان فى مزايا انت ممكن تشوفها عيوب .. وفى عيوب انت ممكن تشوفها مزايا زى الغيره مثلا .
-معيار 2 : ممكن ميزه تضيع قصادها عيوب كتير وممكن عيب يضيع قدامه مزايا كتيير مثال : زى اللى هو بيصلى ومتدين مثلا فدى ميزه ممكن تطير عيوب كتير ممكن عيب زى انه بيشرب سجاير مثلا تطير مزايا كتير.
2- اختار الأنسب مش الأحسن: بص لو جالك شغل ب 3000 جنيه وشغل تانى ب 1000 جنيه طبعا هتقولى هختار الاحسن ابو 3000 ج صح ؟اقولك لا لازم تحسبها الاول ممكن ابو 3000 ج هتلاقيك هتدفع فيها مواصلات وهتضطر لاقامه جمب الشغل فهتضطر تجيب اكل كل يوم ف ممكن يتبقالك منها 500 ج بس وممكن ميكنش فيها ترقيات ولا خبره فكده تبقى مش كويسه مع ان ممكن الشغلانه الى ب 1000 ج تكون قريبه فمش هتدفع ولا مواصلات ولا سكن ولا اكل وهتاخد خبره وترقيات فيبقى ال1000 ج صافى
الخلاصه انك مش تختار الاحسن لازم تختار الانسب “المناسب ليك ولامكانياتك” بالنسبه للجواز بقا ممكن يتقدملك اكتر من عريس وممكن يكون احسن واحد فيهم مش مناسب ليكى وفية قصه : سيدنا عمر بن الخطاب كان عاوز يتقدم لخطبه السيده ام كلثوم بنت سيدنا ابو بكر .. فكلم السيده عائشه علشان تسالها وتاخد رأيها ..فالغريب فى الموضوع انها رفضت رفضت سيدنا عمر ؟ طب رفضت ليه ؟علشان هى كانت محدده اوى وعندها وعى وعارفه هى عاوزه ايه فكان سيدنا عمر احسن عريس بس مكنش انسب عريس وهنا لو ركزت هتلاقى قد ايه الاسلام ادى للبنت حريه فى اختيارها وليها حق انها توافق او ترفض.
3- صفات متقدرش تستغنى عنها وصفات متقدرش تعيش معاها :نجيب ورقه كده ونجيب قلم ونقسم الصفحه نصين ونكتب على اليمين صفات مقدرش استغنى عنها وعلى الشمال صفات مقدرش اعيش معاها بدون المقارنه والاسقاط على حد علشان تكتب فعلا ايه الصفات الى بتحبها والى مبتحبهاش .
4- اوصل معاه لمرحله الرضا ( اللهم انى خاطب) :مهم جدا انك توصل مع الى هتختاره لمرحله الرضا مش بعد ما تختار حد وترتبط بيه تيجى تشوف حد احسن منه ف تقول هو ده احسن من الى موجود وتبدا تحس بعدم الرضا مع الشخص الى معاك لازم توصل لمرحله الرضا بيه ومعاه لدرجه انك لو شوفت اى حد تانى ف الشارع تقول اللهم انى خاطب او اللهم انى متجوز طب دى نقيسها ازاى ؟؟الصفات الى متقدرش تستغنى عنها والصفات الى متقدرش تعيش معاها الى كتبتها فوق .. ابدأ طبقها على شريك حياتك وشوف هى موجوده فيه ولا لا ؟
5- حب بعقلك و فكر بقلبك :ازاى تعمل كدة و ربنا خلقلنا القلب علشان نفكر بيه والعقل علشان نحب بيه ؟؟
انا مش بطلب منك انه تفكر بقلبك طول الوقت ولا تحب بعقلك طول الوقت رغم ان فى ايات واضحة في ان العقل محله القلب وهي:أ- قال تعالى:
﴿وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ﴾ [الأعراف: 179].
ب- .قال تعالى:
﴿أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ﴾ [الحج: 46].
– “لهم قلوب لا يفقهون بها ” ودول كتير منهم مصيرهم جهنم
– قلوب يعقلون بها :يعني ينفع تحب بعقلك وتفكر بقلبك وده علشان ممكن نحب بقلبنا بس فيكون مش مناسب خالص ماديا ولا اجتماعيا ولا اى حاجه وممكن لو فكرت بعقلك بس ف تلاقيه مناسب جدا بس من غير حب الحياه مش هتمشى وشكرا.