مفاتيح وفن التعامل مع المرأة
العلاقة الزوجية، الحياة الزوجية، شريك الحياة، الرجل والمرأة,الحياة الزوجية,مفاتيح الرجل,التعامل مع الرجل

اعزائي زوارنا الكرام هنتكلم النهاردة عن مفاتيح وكتالوجات المرأة اللى هتخليك تقدر توصل ازاى البنات بتفكر وتقدر تتواصل معاهم سواء كان مع اختك او مراتك ودة طبعا بيخلى الحياة اسهل وافضلوطبعا زى ما احنا كلنا عارفين المرأة كائن بيحب يحس ويسمع يعنى بتحب بودانها وكل لما تسمعها كلام حلو بتحبك اكتر وبتحب دايما تحس بالاهتمام طول الوقت والمفاتيح دى عبارة عن:
1- الاهتمام :  لازم تحسسها انها محور حياتك وانك مهتم بيها وبكل حاجه هى بتعملها ده هيديها ثقه فى نفسها ويخليها تتعلق بيك وتحبك حتى اكتر من نفسها.
2- الاحتواء : مهما كانت المرأه شخصيتها قويه فهى دايما بتستنى منك انك تحتويها وتحسسها بالامان والحنان والعطف وانك دايما جمبها ووقت ما تحتاجك بتلاقيك حتى لو انت مشغول بتفضي نفسك وتبقي جمبها حتى لو لسبب من وجهة نظرك تافه بس هو عندها كبير وتاعبها وجودك جمبها بيريحها وبينسيها همها.
3- الإصغاء : أهم حاجه تعملها لما تتكلم .. فكل لما تصغى وتحسن الاستماع كل لما بتحسسها انك مهتم بادق تفاصيل حياتها فبيتولد احساس كبير جواها من التفاهم والتقارب .
4- الاحترام : كل ماتحسسها انك بتحترمها وبتقدرها اوى دة بيخليها تحس اكتر برجولتك واوعى تهينها حتى وانتوا مختلفين احترمها واحترم مشاعرها واحترم رأيها مهما كان وحاول تفهمها رأيك بالذوق بعد ماتكون سمعتها واديتها فرصة تقول كل اللي جواها .
5- التأييد : المرأة بتحب تحس دايما ان جوزها معاها وفى ظهرها وان وراها رجاله بيايدوها فى كلامها وتصرفاتها فأيدها فى تصرفاتها بس طبعا تكون تصرفات سليمه .
6- الاعجاب : اكتر حاجة الست بتحبها لو حست انك معجب بيها وباناقتها وشخصيتها وطريقتها فى التعامل وفى تسريحه شعرها واختيارها حتى لنوع البرفان والتفاصيل الصغيرة دى هى دايما بتستنى تحس الاعجاب ده منك عشان انت بالنسبة لها كل حاجة وهى بتعمل كل دة عشان خاطرك وعشان تشوف نظرة العجاب دى فى عينك وتسمع منك كلام حلو فدايما اوعى تنسي وحسسها بكدة وما تسيبهاش هى اللى تسألك دايما انت عبر عن دة قبل ماهى تسأل.
7- الافتخار : الست بتحب تحس انك فخور بيها وان ربنا رزقك بحبها وقول ده قدام اصحابك وقرايبك وقرايبها واولادكم ده هيحسسها بالثقه بنفسها كل الحاجات دى مفاتيح فعلا لو جربتها هتحس بالفرق وهتحس انك مرتاح وقادر تتفاهم.