الحب….معناه وانواعه
الحب,معنى الحب,انواع الحب,العلاقة الزوجية,شريك الحياة,الرجل والمرأة

اعزائي زوارنا الكرام هنتكلم النهاردة عن حاجة الكل بيفكر فيها وعارفها بس ياتري عارف معناها احنا هنتكلم عن الحب عن معناه وعن انواعه وتعريفه طبعا  هيرجع لعدد المسلسلات والأفلام اللى شفناها وطبعا الحب معناه بيتغير على حسب الزمن  اللى عاش فيه يعنى الحب في زمن عنتر وعبله ولا زمن احمد ومنى ؟كمان الحب هيرجع لعدد التجارب الى مرينا بيها حلوها او مرها فاحنا هنتكلم بكل موضوعيه وحيادية عن الــلى ميتسماش وبقول عليه ميتسماش عشان كل حد ممكن يكون بيحب بس بيسمي الحب ده حاجه تانيه او مبيحبش وواهم نفسه انه بيحب فاللى ميتسماش دة هو أساس الحياة ومينفعش البشر يعيشوا من غيره لان الحياة هتتحول وقتها لغابه بتحكمها المصلحه والفايده وده طبعا بيتناقض مع طبيعه البشر والمنطق الربانى اللى ميتسماش له انواع كتيرة زى:
1- الأفلاطوني : هو أبسط أنواع الحب واللى هو ولا فيه شروط ولا قيود ولا نوايا مش كويسه ولا اهداف ماديه وده الى بيربطنا باصحابنا واهلنا وحبايبنا اللى بجد.
2- الصامت : ودة غالبا بيكون اول حب اللى هو فيه مشاعر بريئه ومن غير سبب ده اللى بنحس فيه ان قلبنا بيتحرك وكده وبشكل كبير بيكون فتره المراهقه.
3- بلا مقابل : اللى هو من طرف واحد وده اقسى انواع الحباللى ربنا يبتليه بيه لازم يعرف انه مش هيحس بالسعاده اللى مستنيها من  اللى ميتسماش .
4- الإدمان :  ودة معناهانك توصل لدرجه الادمان ويكون نتيجه الحب من طرف واحد وغالبا بيكون بعد علاقه ومتكتبلهاش انها تكمل فبيتمسك باللى بيحبه بطريقه مخيفه تكاد تكون مرضيه .
5- الأناني : محدش بيفكر فى سعادة التانى لانه معتمد على المصلحه الشخصيه .
6- العفوي :مبيعتمدش على مبدأ الشراكة،فمفيهوش حاجاه اسمها راجل وست هو بس شعور بالسعاده ومش بيشترط انه يكون بين رجل ومراه ممكن اننا بنحب كائنات او الطبيعه عموماً.
7-الحب فى الله :أرقى وأنقى أنواع الحب لأنه مش بيقوم على أي نوعٍ من المصالح لكن بيقوم على النوايا الحسنة وانك تتمني الخير للاَخرين حتى لو مبتربطناش بهم روابط شخصيةٍ.
8- الشهواني :هذا النوع غالباً ما يلوث المفهوم الحقيقي للحب لأنه بيعتمد على تحقيق الرغبات المادية والجسدية بعيداً عن المشاعر والإحاسيس خالص .
9- الرومانسي :ودة عكس الشهواني فهو بيعتمد على المشاعر والأحاسيس اللى بيحب بيلاقى متعته في راحة وإبتسامه الطرف الاخر ،ولو ملقهاش بيضحي عشان يحققها .
10- الغير مشروط :و ده غريب من نوعه وكتير مننا مش بيعترف بيه وبيكون ولا ليه غايه ولا ليه سبب .
والحب دة ليه درجات من اول الحب الفطرى الى هو حب ربنا وسيدنا النبى وبعدهم حب بابا وماما واخواتى وبيجيى بقى بالزمن حب الحبيب والحب الى بجد بيبقى منحه من ربنا مش بتتعوض ولا بتتقدر بتمن فدربوا نفسكم على التسامح والتعاون عشان متفقدوش جزء كبير من انسانيتكم وشكرا.