طريقة جديدة لعمل كباب الحلة
اكلات,لحوم ,اطباق اللحوم,كباب الحلة,تتبيلة لحوم

اعزائي زوارنا الكرام هقدملكم النهاردة طريقة عمل كباب الحلة وهو طرقية سهلة وسريعة لتتبيل اللحمة وطعمها بجد تحفة .

المكونات:

1-كيلو لحمة مقطع مكعبات  2-بصلة صغيرة   3- فصين ثوم    4-طمطماية مستوية    5-قرن شطة خضرا    6-شوية خل    7-مكعبين مرقة دجاج     8-ملح وفلفل وكمون وشطة وقرفة على حسب الرغبة    8-ورق لورة وحبهان وفلفل اسود مش مطحون.

الطريقة:

هنسلق اللحمة نص سلقة فى شوية مية عليهم ملح وورق اللورى والحبهان والفلفل الاسود وبعد ماتغلى نحط فيها اللحمة تتسلق وقبل ما تطيب ننشلها من المرقة ونكون مجهزين البصل وبشرينه هو والطماطم ومقطعين عليه قرن الشطة والثوم وبعدين نحط شوية الخل ومرقة الدجاج نفرمها كويس ونحطها وبعدين نحط الملح والبهارات كلها ونقلب ونقوم حاطين الخليط دة عاللحمة ونقلبهم كويس مع بعض ونسيبها فى التلاجة من ساعة لساعتين وبعدين نطلعها ونحطها على نار هادية عالبوتاجاز ولو لقيتيها لسة ما استوتش زودى شوية مرقة صغيرين وغطيها ولو عاوزاها تاخد وش حطيها فى الفرن عالشواية شوية وبالهنا والشفا.