اسهل طريقة لعمل اى طبيخ والطعم ولا احلى
اكلات,طبيخ,خضار,متسبك,وصفات اكل

اعزائي زوارنا الكرام هقدملكم النهاردة اسهل طريقة لعما اى طبيخ ومفيدة جدا لان دسمها قليل ومش متسبكة يعنى لا هتتعب المعدة ولا فيها اى مشاكل وطعمها حقيقي جميل .

المكونات :

1-اى نوع خضار سواء بامية -بطاطس- فاصوليا……الخ    2-بصلة متوسطة    3-5فصوص ثوم     4-مكعب مرقة دجاج     5-عصير طماطم مصفي   6-ملح وفلفل وكمون    7-شوربة ولو مفيش عادى شوية مية.

الطريقة :

هنبشر البصلة فى حلة متوسطة ونحطها عالنار مع شوية زيت بساط ونفرم التوم ونحطه على البصل ومجرد ما نشم ريحة الثوم طلعت وتكون البصلة دبلت نقوم حطين الخضار اللى عندنا ونهدى النار ونغطى عليهم حوالى عشر دقايق وبعدين نحط عليهم عصير الطماطم ونقلب ونسيبه لغاية مايشرب ميته خالص وتبقي صلصة ونقوم مزودين الشوربة او المية ومعاهم مكعب مرقة الدجاج ونسيبه لغاية اما يستوى وقبل ماستوى بحاجة بسيطة نحط الملح والبهارات على حسب الحاجة وبالهنا والشفا.