6طرق جديدة لغسل الاطباق بسهولة

اعزائي زوارنا الكرام موضوعنا النهاردة عن غسيل الاطباق وازاى نقدر نعمل دة بكل سهولة ومن غير تعب او مجهود كبيرونقدر نعمل كدة عن طريق الطرق الاتية:

1-رتبى الاطباق والكوبيات الازاز وبعدين الاطباق الصينى او السيراميك وبعدين المعالق والاطباق المعدن وسيبي خالص الحلل الكبيرة فى الاخر ودة عشان الدهون وبواقى الاكل اللى بيبقوا فى الحلل دى متجيش فى الاطباق والكوبيات.

2-وانتى بتغسلى الكوبيات حطى على سائل التنضيف شوية خل صغيرين هيخلى الكوبيات تبرق ومبتبقاش ريحتها زفرة والافضل تبقي ليها ليفة لوحدها.

3-عشان الحلل تنضف كويس وما تتعبكيش حطى مع سائل الغسيل شوية كلور واغسلي بمية دافية.

4-لو عندك اكل اتحرق فى حلة ولزق جامد ومش راضي يطلع هاتى شوية بيكربوناتو وحطىهم فى الحلة وعليهم شوية خل وشوية من سائل الغسل وسيبيهم 10 دقايق وبعدين ادعكى ولا كأن حصل حاجة.

5-لما تكونى عاوزة الاطباق تنشف اوعى تمسحيها بفوطة المطبخ عشان مش دايما نضيفة سيبيهم ينشفوا فى المطبقية.

6-لو كسلتى تغسلى الاطباق حطيهم فى الحوض وانقعيهم عشان لو سبتيهم كدة بواقى الاكل هتلزق فيهم وهتتعبي فى تنضيفهم.