أفضل الاطعمة لمحاربة تجاعيد الوجه
صحة البشرة,التجاعيد,الوجه,الحفاظ على البشرة

اعزائي زوارنا الكرام هنتكلم النهاردة عن افضل الاطعمة اللى ممكن من خلال تناولها نقلل من ظهور تجاعيد الوجه بصورة كبيرة طبعا كلنا بيهتم بالحفاظ على بشرتنا وانها تظهر بأفضل صورة وكتير مننا بيلجأ لاستخدام الكريمات اللى مالية السوق دلوقتى وناسيين خالص ان فيه اطعمة بتساعد على تجديد خلايا البشرة ومحاربة ظهور التجاعيد والاطعمة دى عبارة عن:

1-الزبادى:تناولية يوميا وباستمرار كمان ممكن تستخدميه كماسك على البشرة فهو مليان بالبكتيريا النافعة اللى بتساعد على تجديد البشرة ومحاربة شيخوختها.

2- الرمان:ودة غنى بمواد مضادة للاكسدة بتساعد على نحاربة تجاعيد الوجه والحفاظ على نضارته وجماله.

3-السمك والمأكولات البحرية عامة:ودى زى التونة والسلمون لانها غنية بمادة الاوميجا 3 اللى بتساعد على اصلاح وبناء انسجة الوجه والتخلص من التجاعيد.

4-الشيكولاته:وهى بتحتوى على كمية كبيرة من الكاكاو الغنى بالمواد المضادة للاكسدة اللى بتساعد على القضاء على الخطوط الدقيقة اللى بتظهر فى الوجه.

5-المكسرات:لانها بتحتوى على كمية كبيرة من الدهون والالياف الغذائية المفيدة للصحة وللبشرةفهى بتحمى البشرة من الجفاف وبالتالى بتمنع ظهور التجاعيد.

6-الفواكه والخضراوات :ومنها الأفوكادو، القرع، السبانخ، الثوم، الفراولة، المانجو، التفاح والموز، لانها غنية بالفيتامينات والمعادن والمواد المضادة للأكسدة فبتمنع تلف الخلايا وتجاعيد البشرة.

7-اللحوم والبقوليات:فهى غنية بالبروتين فتحارب التجاعيد وتقللها بشكل فعال.

8-البهارات والتوابل:أهمها الكركم و الزنجبيل والقرفة والفلفل الحار فهي تقي من خطوط البشرة الدقيقة كما تعزز الكولاجين وتعمل على تجديد الخلايا.