مرتضى يهدد رامز جلال: «هعلقك من رجلك قدام بيتكوا»

هدد رئيس نادي الزمالك ، مرتضى منصور ، الفنان رامز جلال ، « بتعليقه من رجله أمام منزله » ، حال فكر رامز ، أو عرض عليه التصوير معه في برنامجه ، وأضاف : « رامز عارف كويس جدا إيه اللي هيحصل له ، لو فكر يستدعيني أصور معاه البرنامج ، اللي بيحصل كله تمثيل ، وكل اللي ظهر في البرنامج مع رامز ، عارف كويس إيه اللي بيحصل ، وعنده علم مسبق بيه » .

وفي تصريحات لبرنامج « ستاد الهدف » ، المذاع عبر أثير إذاعة « الشباب والرياضة » ، أضاف مرتضى منصور : « فرج عامر قال لي ، إنه اشترى بدلة جديدة لميمي عبد الرازق ، المدير الفني لفريق سموحة ، من أجل حضور المباراة النهائية في كأس مصر ، وقالي لي كمان ، إنه إدى ميمي ، ورقة بتشكيل المباراة النهائية ، لكن لقاه لعب الماتش بتشكيل تاني » .

وفيما يخص الصلح بينه وبين عامر ، قال رئيس نادي الزمالك ، مازحا : « أحمد ابني دفع 15 ألف جنيه ، قيمة عزومة لفرج عامر ، ومجلس فريق سموحة ، بعد ماتش النهائي في كأس مصر ، وفي الآخر فرج قال إننا متصالحناش » .

وبشأن أزمة عبد الله السعيد ، لاعب النادي الأهلي ، المعار لنادي فنلندي ، والذي وقع لفريق الزمالك مؤخرا ، وحصل على مقدم تعاقد ، قدره 40 مليون جنيه ، قال مرتضى منصور : « عبد الله هيرجع الفلوس اللي أخدها لنادي الزمالك تاني ، وميصحش أكون سبب في وقف لاعب داخل على كأس عالم ، لما اللاعب يرجع من فنلندا ، هنقعد ونحل الموضوع » .