طريقة تفتيح المناطق الحساسة بالجسم

طريقة تفتيح المناطق الحساسة، أمر هام جدا لازم كل فتاة تهتم به, كتير بنسأل في الصيدليات عن حل لمشكلة اسمرار المناطق الحساسة اللي هي تحت الابط وبين الفخذين لأنها مشكلة تؤرق سيدات كتير ،عشان كده هيا نتعرف من خلال المقالة بتاعتنا ازاى نقدر نعمل تفتيح للمناطق دى وتقضى على الاسمرار بشكل نهائى.

طريقة تفتيح المناطق الحساسة

أسباب اسمرار المناطق الحساسة:

1 _ الاحتكاك فى المناطق دى السبب الأول لأن الاحتكاك ده بيعمل التهاب وتسلخات وخاصه في الصيف أما بيزول الالتهاب بيسيب اسمرار مكانه.

2 _ استعمال مزيلات عرق غير طبيه أو استخدام العطور بشكل مباشر على الجلد فى المناطق دى.

3 _ استعمال الملابس الداخلية المصنعة الغير قطنيه.

4 _ التعرق والافرازات الفطريه وعدم الاهتمام بالنظافه الشخصية بيزود الاسمرار.

5 _ حبوب منع الحمل بتزود صبغ الخلايا فبتزود السمار.

6 _ استعمال شفرات ازاله الشعر وكريمات الازالة بتعمل التهابات تزيد الاسمرار.

7 _ الوزن الزائد بيزود المشكلة عشان الاحتكاك بيزيد.

8 _ استعمال وصفات وتركيب غلط يزيد المشكلة و التأخر فى علاجها يزيد الاسمرار.

تفتيح المناطق الحساسة وطرق علاجها

علاج اسمرار المناطق الحساسة يشمل:

1 – الوقايه من اسمرار الجلد .

2 – تفتيح الأماكن الحساسه الداكنه.

3 _ ملابسك الداخليه لازم تبقى كلها قطن 100%.

4 _ تغيير الملابس الداخليه يوميا مره او مرتين و حافظي على جفاف المناطق دى بفوط قطن وحافظى على استعمال المطهرات عشان تمنعى الفطريات.

5 _ بلاش ماكينة براون أو شفرات ازالة أو كريمات ، ويفضل السويت.

6 _ انقاص الوزن عشان الوزن الزائد يزيد الاحتكاك.

7 _ مزيل العرق يبقى نوع نضيف نيفيا أو ريكسونا بلاش الحاجات الغريبه مجهولة المصدر وبلاش البليه يفضل الأسيرات كميه بسيطه.

وصفة تفتيح المناطق الحساسه الداكنه

وصفة طبيعيه ومجربه:

1 _ ملعقه لبن بودرة.

2 _ ملعقه نشا.

3 _ ملعقه ماء ورد.

4 _ ملعقة عسل.

5 _ عصير ليمونة.

الطريقة:

اخلطي المقادير دى و ادهني بها المناطق الحساسة واتركيها ربع ساعة ثم اشطفيها بماء فاتر، طبعا الوصفة دى طبيعية وكمان هتساعدك جدا على تفتيح المناطق الحساسة وهتقضي نهائيا على الغمقان .