7 ايام فقط وسوف تتخلصي من جميع مشاكل بشرتك

هقولك روتينى للعناية ببشرتى الفترة الأخيرة اللى خلانى أخرج من غير نقطة ميك اب وهيغيرك انتى كمان مهما كان نوع بشرتك ومهما كانت بشرتك غامقة .

1_ بغسل وشى الصبح وبليل بغسول جونسون بس النوع ده لأن جربت الأنواع التانية من جونسون ( تقدرى تستخدمى اى غسول أو صابونة ).

2_ جل الصبار السحر بقا الصبار نفسه بقطع منه حتة وامشيها على بشرتى دقيقة واسيبها أربع دقائق واغسلها وبعدين امشى ثلجة ( نفس الخطوة دى بكررها بليل ) والخطوة دى بتعالج الهالات السوداء والحبوب وبتفتح وتوحد لون البشرة وتعالج البقع من ساعة ما واظبت عليها فى فرق كبير فى بشرتى ولو حطيتيه على حواجبك هتقل حواجبك وبردو بدلك بيها رموش كأنها ماسكرا علشان تكثف وتطول الرموش.

3_ بليل قبل النوم بحط مرطب بانثينول ولوحده من غير اى اضافات وانام بيه ( مش هقول تانى على فوايده وبيعالج خضار الشنب.

4_ الاحد والاربعاء بحط ماسك الزبادي وعسل ابيض ( معلقتين زبادى ومعلقة عسل ابيض نص ساعه واغسله بالماء ) مش بحب احطه حاجة بعده لأنه بيرطب البشرة ويفتحها أربع درجات ويوحد اللون.

5_ الجمعة يا اما بعمل ماسك نشا وبياض بيضة ( معلقتين نشا وبياض بيضة وبحطه لحد ما يقرب ينشف بغسله ) يا اما ماسك الجيلاتين ( جيلاتين وماء مغلى واحطه ولما ينشف بقشره وامشى تلجة ).

6_ الاحد والاربعاء قبل ما اعمل ماسك الزبادى بعمل سكراب القهوة والسكر وزيت وأوقات بحط ليمون بدل الزيت ( بس طبعا لو بشرتك حساسة بلاش ليمون ) وأوقات بعمل سكراب سكر وليمون ولو مش عندى قهوة اوى ليمون بعمل سكراب سكر ومرطب ( قهوة وسكر نفس الكمية وحطى زيت بحيث تكون قوامها خشن ودلكى عشر دقائق) سكراب للى مش اعرف يعنى مقشر بيزيل الجلد الميت ويفتح وينعم وبتدلكى بيه عشر دقائق لكن مش بيتحط كماسك.

7_ مهم دا جدا نخرج واحنا حاطين صن بلوك علشان عيوب البشرة مش تزيد مهما كانت لأن الشمس والهواء هما السبب فى كل عيوب البشرة دى سواء السمار تحت العين أو سمار البشرة أو الكلف أو البقع أو التجاعيد أو النمش ،لكن صن بلوك كده بتحمى بشرتك أنها على الأقل تزيد في العيوب.